Thadou Tribe

Thadous are the single largest tribe in Manipur.
Thadous are in India,Myanmar,Israel and even in the Philipines.

News Post New Entry

TSA GHQ NGEHNA THUPHUON

Posted by Thadous on June 21, 2017 at 11:45 PM


Imphal, the 20th June, 2017

1. Thadou Students’ Association, General Headquarters in akiphudoh akon ana kichepi jing chu Thadou tribe kisuhtup ding ti ahi. Chuleh Kuki kiti hi tribe tamtah kipun khomna ahi ti aki hen, aki chepi jing jong chu ahi. Hinlah vangset umtah in tu leh tu hin Kuki min a kiloi khomna hi Thadou bouseh ahidan aki muchen in phamo akisa lheh jeng e. Hijeh a hi Thadou leh Kuki hi kina leh kidou dan a mipi in agel khah ahi.

2. Thadou pao hi Kuki pao ahi tin mi ijat hamkhat in ahin sei a pat in unao tribes hotoh kipun/kivop khomna hi alhasam lheh tai. Hinlah TSA in atup thupi pen hi Thadou tribe kisemtup di hijong leh agel thupi vang hi inampi u Kuki min a unao tribes hotoh kipunkhom ding hi ahi.

3. Tuchung ISTV adia Mr Ngampao Haokip in Thadou-Kuki leh Kuki channel tia ahin boldoh got toh kilhon a social media lah dung a kinielna hi atamlheh tan, phatlang mano ding kinep aum e. Hitoh kilhon a TSA heng a open letter tia ana jih chu suh minset naleh adihlou ana hi najal a TSA leh ama kikah a kihoucham na ana um in ahi.

4. ISTV channel min dia Kuki leh Thadou-Kuki tia nammin/kiloi khomna min ho hi pansah loudia ngaidan ana kiseikhom toh lhon in TSA thalheng a Mr Michael Lamjathang Haokip, Secretary General, TSA-GHQ in Kuki Channel tia namin vo nachung a Mr P. Prafulo, President, ISTV toh akihou nahi complaint abol ahi pon, ama macham a jong abol ahi poi. Hitobang ngohna dihlou va Mr Ngampao Haokip in social media a ana thethang hi adih pon, adom son le le jousen jong nangah tah diu chuleh post kibolsa jouse jong ladoh cheh dia tiemna leh hetsahna akinei in ahi.

5. Mr Michael Lamjathang Haokip hi Secretary-General, TSA-GHQ hina a official correspondence ahina dol a aboldia lom abol ahin, chang mimal hina a koiman asei lou ding, alah lou ding, TSA hina a abol ahi tin hetsahna leh phondohna ahung kinei in ahi. Chuleh ama mimal leh insung miten jong thulhem thethang a thuphalou, adihlou va kingohna ho jouse hi lhasetna, thasetna leh lungneo na a gellou ding in tiemna akineiye.

6. ISTV thusoh a “Thadous Demand Recognition as Distinct Tribal Community” kiti leh “2.15 Lac Thadous not a part of Kuki or any” kiti hi ISTV te misinterpretation/ledoh khel ahi. TSA in hitobang hi aseikha pon ahi, seijong aseilou ding ahi. Hitoh kilhon a suhchetna ISTV heng a akinei tai.

7. TSA members & supporters hon placard a slogan adop nao lim ho thuphalou leh thucheng melse ho jouse hi personal character assassination ahi tah jeh a akinthei pen a post/comment bol jousen kilahdoh cheh ding a tiemna leh ngehna jong akinei in ahi.

8. Nampi damna ding in koiman fake account a thusei talou va, eima hina dihtah kicheh tah a pilhing tah in kihoukhom, kithokhom joding in temna leh hetsahna ahung kineiye. Chuleh mimal a koiman koimacha agih lou ding in temna leh ngehna ahung kinei in ahi.

Sd/-

(LALJANGAM HANGSHING)

Secretary, Information & Publicity

TSA-GHQ

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

0 Comments

Facebook Like Button

Upcoming Events

No upcoming events

Sholay: Thadou Version

Nei Sempha Kit uvin: Jeff Akai